පරණ හාර්ඩ් ඩිස්ක් වලට සමුදෙමු

ඔන්න පුතේ අද අලුත්ම පාඩමක් ගැන ඉඟියක් දෙන්න යන්නේ ඊට ඉස්සෙල්ල ඔක්කොටම සුබ අලුත් අවුරුද්දක් වේවා. ඉතින් අද කියන්න යන්නේ හාර්ඩ් ඩිස්ක් ගැන.  මෙහෙම කිව්වම මේ මොකද්ද යකෝ කියල බලයි .අපි දැනට පාවිච්චි කරන හාර්ඩ් එකක් තමයි පහල පින්තුරේ පෙන්නලා තියෙන්නේ.හාර්ඩ් ඩිස්ක් ඩ්‍රයිව් කියන එක කෙටියෙන් HDD මේකේ එහා මෙහා යන කොටස් තියනවා ඒ කියන්නේ මේකේ තියන ප්ලේට් කරකැවෙනවා හෙඩ් එක එහා මෙහා යනවා. කෙටියෙන් කිව්වොත් මිකැනිකල් පාර්ට්ස්  තියෙනවා.

මේ තියෙන්නේ ඒ හාර්ඩ් එකේ ඇතුලත සමහර විට මේවා  ඕන තරම් දැකල ඇති.එකේ ඇතුලේ රවුම් ප්ලේට් ගොඩක් තියෙනවා .ඒ වගේම අර දිග කුරක් වගේ එකක් තියෙන්නේ ප්ලේට් උඩට. එකට කියන්නේ හෙඩ් එක කියල. මේකේ ක්‍රියාවලිය මෙහෙමයි සරලව මේ ප්ලේට් හදල තියෙන්නේ චුම්බක බලයක් යෙදුව විට එහි මතුපිට අලේප කර ඇති ලෝහය වෙනස් වෙන ආකාරයට. ඒ වගේම සටහන් හිසින් ඒ කියන්නේ  හෙඩ් එකෙන් චුම්බක බලයක් යෙදුව විට ඒ අනුව ප්ලේට් එකේ ආලේප කර ඇති ලෝහ කොටස් වෙනස් වෙනවා.ඒ වගේම එකේ ප්‍රතිවිරුද්ධ දේත් වෙනවා.ඒ කියන්නේ එම තැටි වල වෙනස් වූ දේ යලි චුම්බක බලය බවට පත් වෙනවා. හරි තවත් සරලව හිතල බලමු. යම්කිසි දත්තයන් ආකාරයට සකසන ලද චුම්බක බලය මෙම තැටි වලට ලබා දුන්නම ඒවා ගබඩා වෙනවා. නැවතත් එම ගබඩා වුන දත්ත චුම්බක බලයක් ලෙස අපට ලබා ගන්න පුළුවන්.ඉතින් මෙම දත්ත ගබඩා කිරීම හෝ නැවත ගැනීම ලෝකයේ සම්මත ආකාරයට තමයි හදල තියෙන්නේ.

මේ තියෙන්නේ අලුත්ම තොරතුරු ගබඩා කරන ක්‍රමය SSD ඒ කියන්නේ සොලිඩ් ස්ටේට් ඩ්‍රයිව් මේකේ එහා මෙහා යන කොටස් ඇත්තෙම නෑ තියෙන්නේ ලක්ස ගානක් ට්‍රාන්සිස්ටර්ස්. අපි පාවිච්චි කරන ෆ්ලෑෂ් මෙමරි (පෙන් ඩ්‍රයිව්)ගොඩක් එකතු කරලා තමයි මේක හදල තියෙන්නේ.මෙහි කාර්යක්ෂමතාවය ඉතාමත් ඉහලයි. අද ගොඩක් දෙනෙක් මේක ඔපරේටින් සිස්ටම් සඳහා කොම්පියුටර් වලට සවි කර ගන්නවා. හේතුව වැඩ කිරීමට ඉතාමත් පහසුයි ඉක්මන් සාමාන්‍ය හාර්ඩ් එකට වඩා 10 ගුණයක් ස්පීඩ් ඒ වගේම බූට් වෙන්න සාමාන්‍ය හාර්ඩ් එකෙන් බාග වෙලාවයි.දත්ත ආරක්ෂාවත් ඉතාමත් ඉහලයි . දැනට කොම්පුටර් කඩවල ගන්න තියනවා. මේකක් අරගෙන ඔපරේටින් සිස්ටම් එක මේකට දාගන්න එළකිරි වගේ වැඩ කරන්න ඉක්මන් .දැන් ඇති නේ හරි අපි ගියෝ .........